У Лідскай цэнтральнай лякарні зрабілі аперацыю жыхарцы Бярозаўкі, якую ўвечары 26 кастрычніка збіў намеснік начальніка міліцыі Гродненскай вобласці, які ехаў на аўтамабілі. Жанчына яшчэ знаходзіцца ў лякарні, яе стан лекары ацэньваюць як добры, піша Еўрарадыё.
«Адчувае яна сябе добра. Учора ёй зрабілі аперацыю на руцэ і назе, бо там былі асколачныя пераломы. Цяпер папраўляецца», — кажа супрацоўнік бальніцы.
Здарэнне адбылося, калі палкоўнік міліцыі, адзін з намеснікаў кіраўніка абласной міліцыі, ехаў на машыне не ў працоўны час. Паводле экспертызы ў момант аварыі ён быў цвярозы. Гэта адбылося на трасе, якая праходзіць праз Бярозаўку, у месцы, дзе дарога звужаецца. Па інфармацыі мясцовых жыхароў, там стаіць абмежаванне хуткасці ў 60 кіламетраў за гадзіну. Месца асветленае ліхтарамі каля дарогі, але ў той вечар ішоў дробны дождж.
Крымінальную справу распачалі па артыкуле «Парушэнне правілаў руху асобай, якая кіруе транспартным сродкам, што пацягнула па неасцярожнасці прычыненне цяжкага цялеснага пашкоджання» (ч. 2 арт. 317 КК). Усе абставіны здарэння вывучае Следчы камітэт.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары