Такое меркаванне еўракамісар па пытаннях палітыкі пашырэння і добрасуседства Ёханэс Хан выказаў на сустрэчы з журналістамі краін Усходняга партнёрства ў Брусэлі.
У Хана спыталіся яго стаўленне да таго, што Беларусь на саміце ў сталіцы Бельгіі прадстаўляе не Аляксандр Лукашэнка, а міністр замежных справаў Уладзімір Макей.
«Краіна вольная рашаць, хто яе будзе прадстаўляць. У нас добрыя адносіны з Макеем. Няма ніякага негатыву, што прыедзе ён. Адносіны з Беларуссю ўмацоўваюцца і паляпшаюцца», — сказаў Хан.
Ён адзначыў, што адносіны з нашай краінай выбудоўваюцца на ўзаемавыгаднай аснове. «Гэта не пагроза Расіі. Калі я прачынаюся раніцай, то не гляджу на карту, не тыкаю ў тыя краіны, якія да нас яшчэ не далучыліся, а потым не званю з прапановай далучыцца. Мы шукаем, што выгадна абодвум бакам».
Хан адзначыў, што па Беларусі застаюцца пытанні ў сувязі з захаваннем смяротнага пакарання і парушэнняў правоў чалавека.
Каментары