Першы факт нападу быў зарэгістраваны 30 чэрвеня 2016 года. У лясным масіве ля вёскі Сідараўка Краснапольскага раёна да 11-гадовай школьніцы падышоў мужчына. Пагражаючы дзяўчынцы нажом, ён згвалціў дзіця.
Другі выпадак адбыўся праз год, 17 верасня 2017 года, на ўскраіне Краснаполля. Ахвярай невядомага мужчыны зноў стала 11-гадовая дзяўчынка. Калі школьніца ішла з заняткаў дадому, ззаду да яе падышоў мужчына, завёў яе ўглыб лесапасадкі і згвалціў. З сабой у яго было покрыва, якое ён разаслаў на зямлю.
Прыкметы: 30—35 гадоў, рост 175—180 см, валасы кароткія і светлыя, вочы шэра-блакітныя.
У першы раз мужчына быў апрануты ў камуфляваны касцюм (колеру высахлай травы), куртку на замку, цёмныя красоўкі, кепку цёмнага колеру. Пры сабе меў нож, рэчавы мяшок цёмнага колеру, невялікага памеру цёмную мужчынскую сумку з накладнымі кішэнямі на замках на рамяні праз плячо.
У абодвух выпадках на руках у мужчыны былі чорныя пальчаткі і белая павязка на твары (з аранжавай і чырвонай паласой), абедзвюм пацярпелым ён завязваў вочы. Другая пацярпелая адзначыла, што нападнік быў мажнага целаскладу і меў ярка выражаны жывот. Яго гаворка, адзначыла пацярпелая, была «гарадской».
Калі хтосьці мае інфармацыю па гэтых выпадках ці ведае падобнага мужчыну, звяртайцеся па тэлефонах 8 02238 22-9-25, 8 029 338-58-14 або 102. Ананімнасць і ўзнагарода гарантаваныя.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга155
Каментары