Свет2424

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Ізраіль атакаваў будынкі сілавых структур Ірана, у тым ліку разведкі Корпуса вартавых Ісламскай рэвалюцыі.

Сёння, 15 чэрвеня, Ізраіль нанёс удар па Тэгеране, сталіцы Ірана.

Атакаваны будынак разведкі Корпуса вартавых Ісламскай рэвалюцыі. Скрыншоты відэа

Выбухі прагучалі ў розных частках горада, авіяўдарамі знішчаныя аб’екты міністэрстваў і сілавых структур. Ізраіль атакаваў будынак разведкі Корпуса вартавых Ісламскай рэвалюцыі. Пад заваламі шукаюць кіраўніка выведкі Махамада Каземі і ягонага намесніка Хасана Махакекі.

Знішчаныя будынкі сілавых міністэрстваў і Міністэрства юстыцыі, удары наносяцца таксама па вайсковых базах і дамах, дзе пражываюць знакавыя асобы рэжыму.

На кадрах з Тэгерана бачныя патокі вады на вуліцах з разбуранага вадаправода і забітыя дарогі на выезд.

Ізраільская авіяцыя метадычна знішчае аб’ект за аб’ектам, іранская СПА бяссільная.

Ізраільцяне знішчылі самалёт-запраўшчык на авіябазе ў Мешхедзе, самым аддаленым горадзе на паўночным усходзе Ірана, за 2300 км ад Ізраіля.

Авіябаза ў Мешхедзе

Прайшлі непацверджаныя паведамленні і пра гібель кіраўніка паліцыі Тэгерана, які ўзначальваў падаўленне нядаўніх пратэстаў у горадзе.

Іранскія ўлады паведамляюць пра 128 забітых у гэтыя дні і каля 900 параненых.

Прэм'ер-міністр Ізраіля Біньямін Нетаньяху ў інтэрв'ю Fox News заявіў:

«Цяпер я магу паведаміць вам, што некаторы час таму, кіраўнік і намеснік кіраўніка разведкі КВІР былі атакаваныя ў Тэгеране».

Ён выказаўся таксама, што Ізраіль поўны рашучасці завяршыць задачу па ліквідацыі «двайной пагрозы» Ірана, знішчальнікі знаходзяцца ў небе над палаючым Тэгеранам.

Нетаньяху дадаў, што паводле звестак ізраільскай выведкі Іран хацеў перадаць хусітам ядзерную зброю. Ізраільская армія, кажа Нетаньяху, знішчыла рэактар у Ісфахане, без якога немагчыма стварыць ядзерную зброю, а таксама галоўны ядзерны аб'ект у Натанзе.

«І зробім больш, калі спатрэбіцца», — заявіў ізраільскі прэм'ер.

Прэзідэнт ЗША Дональд Трамп у апошнія пару дзён наклаў вета на ізраільскі план забойства Вярхоўнага лідара Ірана, паведаміла агенцтва Reuters са спасылкай на двух амерыканскіх чыноўнікаў.

Сам Трамп у сацсетцы Truth Social напісаў, што Іран і Ізраіль павінны заключыць здзелку.

Каментары24

  • Jacek
    15.06.2025
    Мiсцер Тамагаўк, у картофелехранилишчы
  • Jeremy Shirt
    15.06.2025
    Брава Ізраіль !
    Брава ЗША !
  • Федзя
    15.06.2025
    Израиль! Твое дело правое, победа будет за тобой.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Раман Пратасевіч асвоіў прафесію бармена і адшукаў працу. Вось у якім бары можна яго знайсці10

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Усе навіны →
Усе навіны

Цэны на каву і апельсінавы сок у ЗША ўзляцяць да нябёсаў з-за мытаў5

Па справе Гаюна адбылося ўжо як мінімум шэсць судовых працэсаў

У Беларусі падаражэюць новыя аўтамабілі, а выбар у дылераў стане больш сціплым. Што змяняецца1

«Прыязджаеш без офера — будзе цяжка». Айцішнік-сеньёр працуе ў швейцарскім банку. Вось як да гэтага ішоў7

Загінуў камандзір 155-й брыгады, вайскоўцаў якой абвінавачвалі ў забойствах жыхароў Бучы8

Стала вядома, па якім механізме спісваліся грошы з банкаўскіх картак беларусаў падчас маштабнага збою7

У Мінску прадаецца кватэра з рэальна ўнікальным відам з ванны8

На МТЗ працуюць 142 замежнікі з Бурундзі, Конга, Камеруна, Малі і Нігерыі15

Зноў да +30. Надвор'е на выходныя5

больш чытаных навін
больш лайканых навін

Раман Пратасевіч асвоіў прафесію бармена і адшукаў працу. Вось у якім бары можна яго знайсці10

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Галоўнае
Усе навіны →

Заўвага:

 

 

 

 

Закрыць Паведаміць