Фэйсбук вызначыць надзейнасць крыніц навін праз апытанне карыстальнікаў
Фэйсбук спытае карыстальнікаў аб тым, якім рэсурсам навінаў яны больш давяраюць.
Раней сацсетку крытыкавалі за тое, што яны з'яўляюцца механізмам распаўсюджвання фэйкавых навінаў — паведамленняў, якія не вытрымліваюць праверкі фактамі, але шырока тыражуюцца ў інтэрнэце.
У будучыні ў стужцы карыстальнікаў будуць часцей з'яўляцца паведамленні з надзейных крыніц інфармацыі, гаворыцца ў паведамленні заснавальніка сацсеткі і кіраўніка кампаніі Facebook Inc. Марка Цукерберга.
У сучасным свеце занадта шмат пагоні за сенсацыямі, дэзінфармацыі і палярызацыі [пунктаў гледжання]», — напісаў Цукерберг.
Падчас апытанняў аб якасці абслугоўвання Facebook будзе пытацца зарэгістраваных у ім людзей, ці знаёмыя яны з той ці іншай крыніцай навін, а таксама, наколькі яны ёй давяраюць, распавёў Цукерберг у допісе, апублікаваным 19 студзеня.
Некаторыя масмедыя «карыстаюцца даверам сваіх чытачоў ці гледачоў, тады як іншым давяраюць больш шырокія слаі грамадства, у тым ліку тыя людзі, якія за імі не сочаць», напісаў кіраўнік сацсеткі.
Першыя апытанні пройдуць на наступным тыдні 22 студзеня.
Агучаная Цукерберга методыка вымярэння надзейнасці далёкая ад ідэалу: так, СМІ, якім давярае большасць насельніцтва, не абавязкова адпавядаюць журналісцкім стандартам, адзначае амерыканскае інтэрнэт-выданне Slate.
У цяперашні час навіны складаюць каля 5% паведамленняў у стужцы карыстальнікаў Facebook, гаворыцца ў посце заснавальніка сацсеткі.
У будучыні гэтая доля знізіцца да 4% за кошт таго, што карыстальнікам будзе часцей паказваць паведамленні ад іх знаёмых і родных.
Цяпер чытаюць
Жонка Галыгіна адсвяткавала пад Мінскам дзень нараджэння ў рускім стылі — у какошніку і з тортам-матрошкай ШМАТ ФОТА11
Каментары