Карова, якая павінна была пайсці на забой, збегла з вёскі Скупава Падляскага ваяводства Польшчы да зуброў у парк Белавежа, паведамляе Tut.by са спасылкай на тэлеканал Polsat.
Жывёла збегла з гаспадаркі ў канцы кастрычніка праз дзірку ў плоце. Паблукаўшы трохі па наваколлях, яна зайшла на польскі бок Белавежскай Пушчы і прыбілася да статка зуброў, з якімі жыве ўжо тры месяцы.
Як адзначаюць польскія спецыялісты, карова ўсё яшчэ адаптуецца да жыцця сярод зуброў.
Вядучы навуковы супрацоўнік НП «Белавежская пушча» Аляксей Буневіч у гутарцы з TUT.BY назваў такую з'яву анамальнай і усумніўся, што карова зможа стаць паўнапраўным членам статка.
«Яна ніяк не зможа прыбіцца. Хіба што з імі падысці да кармушак за кормам», — адзначыў спецыяліст.
Нагадаем, у мінулым годзе ў Беларусі назіралася супрацьлеглая сітуацыя. Белавежскі зубр міграваў ў Кобрынскі раён і жыў са статкам кароў. Там ён прабыў каля месяца, а затым яго адлавілі і вярнулі ў пушчу. Цяпер ён жыве ў вальерах.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі50
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары