Міліцыя з дапамогай службовых сабак па гарачых слядах затрымала мужчыну, якога падазраюць у тым, што ён адмовіўся плаціць за паездку ў таксі і пачаў пагражаць кіроўцу нажом, паведамляе ГУУС Мінгарвыканкама.
Увечары 14 лютага нецвярозы 30-гадовы жыхар Лошыцы адправіўся за забавамі ў мікрараён Уручча. Калі таксіст прывёз мужчыну да месца прызначэння, той адмовіўся плаціць і стаў пагражаць нажом. Кіроўца не разгубіўся, выхапіў нож і ўцёк у лес.
Зламыснік не змог яго дагнаць, вярнуўся ў машыну, дастаў са сваёй сумкі спіртное, выпіў яшчэ і паспрабаваў схавацца ў лесе. Кіроўца таксі тым часам патэлефанаваў у міліцыю па спецыяльнай лініі «102» і папрасіў дапамогі.
На месца здарэння выбыла некалькі нарадаў міліцыі. З дапамогай службовых сабак па гарачых слядах і ўдалося затрымаць зламысніка, які быў змешчаны ў ІЧУ.
Заведзена крымінальная справа па ч.3 арт. 339 КК Беларусі (Хуліганства). Фігуранту пагражае абмежаванне волі ад 3 да 5 гадоў або пазбаўленне волі на тэрмін ад 3 да 10 гадоў.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай77
Каментары