Кіраўнік МЗС Вялікабрытаніі Барыс Джонсан папярэдзіў Расію аб магчымых санкцыях, калі будзе даказана, што за таямнічай хваробай былога расійскага шпіёна Сяргея Скрыпаля стаіць Масква, паведамляе Sky News.
Джонсан адзначыў, што на дадзеным этапе не хацеў бы «ні на каго паказваць пальцам», аднак дадаў, што датычныя не змогуць ухіліцца ад адказнасці.
«Я кажу ўрадам па ўсім свеце, што ніводная спроба забраць нявіннае жыццё на тэрыторыі Вялікабрытаніі не пазбегне санкцый і не застанецца непакаранай», — заявіў міністр.
Па словах Джонсана, Брытаніі «магчыма, зноў давядзецца перагледзець санкцыйных рэжым у дачыненні да Расеі».
Былы расійскі шпіён Сяргей Скрыпаль знаходзіцца ў крытычным стане верагоднага атручвання невядомым рэчывам ў Вялікабрытаніі, дзе ён пражываў у апошнія гады.
У Крамлі заявілі, што не маюць ніякай інфармацыі наконт таго, чым займаўся былы расійскі шпіён Сяргей Скрыпаль і з чым можа быць звязана трагічная сітуацыя.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары