«ЕС заклікае ўсе краіны, асабліва Расію і Іран, выкарыстоўваць свой уплыў для таго, каб прадухіліць далейшае ўжыванне хімічнай зброі, асабліва сірыйскім рэжымам», — гаворыцца ў заяве галоўнага дыпламата Еўрасаюза Федэрыкі Магерыні.
Яна падкрэсліла прыхільнасць ЕС да палітычнага ўрэгулявання сірыйскага канфлікту, заклікала да выканання ўсіх пагадненняў аб спыненні агню і дапусціла ўзмацненне жорсткасці санкцый.
«У ліпені 2017 і сакавіку 2018 года ЕС увёў дадатковыя абмежавальныя меры ў дачыненні да сірыйскіх чыноўнікаў і вучоных, якія маюць дачыненне да распрацоўкі і прымянення хімічнай зброі, і заўсёды гатовы разгледзець узмацненне жорсткасці гэтых мер, калі спатрэбіцца», — гаворыцца ў заяве.
Каментары