На адным з пунктаў памежнага пропуску 13 красавіка затрыманы грамадзянін Расіі, жыхар Калінінграда. У яго канфіскавалі 36 кілаграмаў гашышу. Схованка для транспарціроўкі наркотыкаў была зроблена ў бензабаку аўтамабіля. Пра гэта паведаміла прэс-служба МУС Беларусі.
Сам мужчына растлумачыў, што не ведаў пра тое, што ў бензабаку яго машыны ёсць наркотыкі. Паводле яго, ён тыдзень таму купіў аўтамабіль у Маскве, а цяпер ехаў на сэрвіс «гуму мяняць».
У дачыненні да затрыманага распачалі крымінальную справу за незаконны абарот наркатычных сродкаў.
Як адзначылі ў МУС, за 2017 год у Беларусі было канфіскавана 404 кілаграмы гашышу, які займае пасля марыхуаны другое месца.
Цяпер чытаюць
Хто тыя 17‑гадовы блогер і яго 37‑гадовая нявеста, якія шыкоўна жылі на мільён, скрадзены са збору на хворае дзіця?34
Каментары