У Гаазе пачалося пасяджэньне выканаўчага камітэту Арганізацыі па забароне хімічнай зброі, прысьвечанае меркаванай хімічнай атацы ў сырыйскім горадзе Дума 7 красавіка.
Генэральны сакратар Арганізацыі па забароне хімічнай зброі паведаміў, што група экспэртаў арганізацыі на мінулым тыдні прыбыла ў Сырыю, каб пачаць працу па ўсталяваньні фактаў на месцы меркаванай атакі, у горадзе Дума. Аднак, паводле яго слоў, місія да гэтага часу не змагла пачаць працу ў Думе.
Брытанская дэлегацыя абвінаваціла ўлады Сырыі і Расеі ў стварэньні перашкод для працы місіі, а прадстаўнік ЗША заявіў, што Расея, магчыма, зьнішчае доказы на месцы меркаванай хімічнай атакі.
Горад Дума на мінулым тыдні перайшоў пад кантроль сырыйскіх урадавых сіл, там таксама разьмешчана расейская ваенная паліцыя.
Намесьнік міністра замежных спраў Расеі Сяргей Рабкоў заявіў, што адпраўцы місіі АЗХЗ ў Думу «перашкаджаюць наступствы ўдару ЗША і саюзьнікаў», нанесенага ў ноч на суботу. Гэты ўдар не наносіўся па цэлях у Думе.
Войскі прэзыдэнта Сырыі Башара Асада, як сьцьвярджаюць краіны Захаду, спасылаючыся на адкрытыя крыніцы і дадзеныя выведкі, ажыцьцявілі хімічную атаку, ахвярамі якой сталі мірныя жыхары. ЗША, Вялікабрытанія і Францыя нанесьлі ў суботу ракетны ўдар па аб’ектах у Сырыі, зьвязаным, як сьцьвярджаецца, з распрацоўкай хімічнай зброі. Расея рэзка асудзіла ўдар і абвінаваціла краіны, якія яго нанесьлі, у імкненьні сарваць працу інспэктараў АЗХЗ.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары