Надвор'е ў Беларусі вярнулася ў кліматычную норму, і толькі Гомель адзначыўся 5 мая новым тэмпературным рэкордам, паведамляе БелТА.
«На большай частцы краіны стала заўважна халадней. Калі 4 траўня ў Мінску тэмпература дасягнула анамальных 30 градусаў цяпла, то ўжо 5 мая вярнулася ў норму — апусцілася да 20 градусаў. Толькі ў паўднёва-ўсходняй частцы Беларусі яшчэ захоўваліся рэкордна высокія тэмпературы. Напрыклад, у Гомелі было 30,1 градуса. Папярэдні тэмпературны рэкорд у гэтым абласным цэнтры — 26,6 градуса — трымаўся з 1970 года», — распавялі ў Рэспубліканскім цэнтры па гідраметэаралогіі.
Па прагнозах сіноптыкаў, у нядзелю, 6 мая, у Беларусі чакаецца пераменная воблачнасць, пераважна без ападкаў, толькі ў асобных раёнах па паўднёвым усходзе краіны пройдуць невялікія кароткачасовыя дажджы, магчымыя навальніцы. Вецер будзе паўночны, ноччу слабы, днём умераны. Тэмпература паветра днём — 15-20 градусаў вышэй за нуль, па поўдні краіны паветра прагрэецца да 22 градусаў.
У Мінску прагназуецца невялікая воблачнасць, без ападкаў. Вецер будзе паўночны, умераны. Тэмпература паветра прагрэецца да плюс 16-18 градусаў.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме1
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары