16-гадовы Уладзіслаў Хандогі, навучэнец Рэспубліканскай гімназіі-каледжа пры БДАМ, стаў лаўрэатам II Міжнароднага конкурсу маладых піяністаў Grand Piano Competition. Ён праходзіў у Маскве з 29 красавіка па 5 мая на пляцоўках Маскоўскай кансерваторыі і філармоніі.
Спіс лаўрэатаў абвясцілі ў суботу на ўрачыстым канцэрце-закрыцці. Акрамя Уладзіслава, імі сталі расіяне Іван Бяссонаў, Раман Барысаў, Ева Геваркян, Сяргей Давыдчанка, Аляксандра Доўгань, а таксама Ціньхун Ляо з Кітая. Усе яны разам са званнем лаўрэата атрымалі прэмію ў памеры $5 тысяч.
У кароткім інтэрв'ю-прадстаўленні Уладзіслаў распавёў, што яго натхняюць вядомыя піяністы Святаслаў Рыхтар, Ван Кліберн, Мюрэй Перая.
А сярод любімых школьных прадметаў адзначыў беларускую літаратуру.
«Матэматыка, руская літаратура, асабліва беларуская літаратура. Я ж з Беларусі, у нас ёсць і беларуская літаратура, і беларуская мова», — сказаў малады беларускі піяніст.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары