Майстэрства фармулёвак у зменах закона «Аб абароне правоў спажыўцоў»: «на белорусском и (или) русском»
Піша фізік Ягор Лебядок.
«Гульня ў дэмакратыю і незалежнасць працягваецца: з'явіўся законапраект аб змяненні закона «Аб абароне правоў спажыўцоў», які змяняе патрабаванні да напісання інфармацыі на этыкетках тавараў з «на белорусском или русском» на «на белорусском и (или) русском», — піша ў сябе ў фэйсбуку фізік Ягор Лебядок. — Усё як мы любім: патрабавалі грамадзяне, у тым ліку і я, літару «и» паміж назвамі моў, вось і атрымайце. Але ж «или» мы таксама пакінем і пад палітычную кан'юнктуру будзем «рэкамендаваць» вытворцам якую(ія) мову пісаць, а абгрунтаваннем для СМІ і грамадзян будзе «законопроект предусматривает реализацию прав граждан и производителей на выбор языка с соблюдением норм законодательства Республики Беларусь и международных обязательств».
Лібералізацыя і беларусізацыя ў класічнай стылістыцы», — іранізуе Ягор Лебядок.
Зазначым, што 17 мая Палата прадстаўнікоў Нацыянальнага сходу прыняла праект Закона «Аб унясенні змяненняў і дапаўненняў» у Закон «Аб абароне правоў спажыўцоў» і накіравала яго ў Савет Рэспублікі. Пра гэта юрысту Ігару Случаку паведаміла дэпутат Палаты прадстаўнікоў Наталія Жыбуль.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары