Пракуратура накіравала ў суд крымінальную справу па абвінавачванні былога дырэктара мэблевай фабрыкі пры «Папраўчай установе № 5». Яго абвінавачваюць у злачынстве супраць інтарэсаў службы. Пра гэта паведамляе прэс-служба Генпракуратуры.
Яго абвінавачваюць у атрыманні хабару ў асабліва буйным памеры.
«Абвінавачванаму інкрымінавана, што ён, будучы службовай асобай, дзейнічаючы з карыслівых меркаванняў, з 17 сакавіка 2009 года па 4 сакавіка 2013 года атрымаў ад прадстаўніка французскай кампаніі ў якасці хабару 207 365 еўра. Прадметам такой дамоўленасці стала рашэнне пытанняў, звязаных з заключэннем і выкананнем дагавораў аб пастаўках за межы краіны мэблі, вырабленай на беларускім прадпрыемстве», - распавялі ў ведамстве.
Абвінавачаны знаходзіцца пад вартай. Яму пагражае да 15 гадоў пазбаўлення волі з канфіскацыяй маёмасці.
Удакладненне: Першапачаткова мы памылкова паведамілі, што абвінавачваюць былога дырэктара турмы. Насамрэч, гаворка ідзе пра былога дырэктара турэмнай мэблевай фабрыкі.
Каментары