Міліцыя затрымала пры атрыманні хабару начальніка Гарадскога клінічнага патолагаанатамічнага бюро Аркадзя Пучкова, паведамляе прэс-служба ведамства.
Грашовыя сродкі на суму 5245 рублёў і 300 даляраў ЗША ён атрымаў ад прадстаўніка камерцыйнай структуры за спрыяльнае вырашэнне пытанняў аб заключэнні дагавораў на пастаўку рытуальных прылад для крамы, размешчанай на тэрыторыі арганізацыі, і своечасовай аплаце за пастаўлены тавар.
Інфармацыя аб карупцыйнай дзейнасці паступіла ў канцы мая. Стала вядома, што хабары, якія перадаваліся як у беларускіх рублях, так і ў замежнай валюце, начальнік бюро атрымліваў ужо больш за дзесяць гадоў. Агульная сума склала дзясяткі тысяч даляраў ЗША. Памер штомесячнай «узнагароды» быў роўны 10% ад сумы пастаўленага тавару. Праўда, як адзначаюць аператыўнікі, у апошні час фігурант выяўляў асцярожнасць: стараўся атрымліваць грошы штоквартальна, каб паменшыць колькасць сустрэч з прадстаўнікамі камерцыйных структур.
Падазраванаму пагражае да 15 гадоў пазбаўлення волі. Ён змешчаны пад варту.
Аператыўнікамі ГУБАЗіК ужо зафіксаваныя шматлікія факты атрымання фігурантам грашовых сродкаў ад прадстаўнікоў камерцыйных структур. Інкрымінаваная сума — не менш за 200 тысяч даляраў ЗША.
Цікавы факт: грошы аператыўнікі выявілі ў маразільным аддзяленні халадзільніка. Патолагаанатам адзначыў, што не можа патлумачыць паходжанне грошай. Сваю віну ён адмаўляе.
Арыштаваны 75‑гадовы Зміцер Санько — ветэран-выдавец3
Каментары