Ад ліпеня да верасня школьнікам давядзецца аплачваць праезд у транспарце, апроч сталіцы
Скончыўся гарантаваны тэрмін бясплатнага праезду для школьнікаў. З 1 ліпеня па верасень білет давядзецца аплачваць са сваёй кішэні. Выключэнне — сталіца.
Вучні з устаноў агульнай сярэдняй і спецыяльнай адукацыі (інтэрнаты, цэнтры культурнага развіцця і іншае) маюць права на бясплатны праезд ад месца пражывання да месца вучобы з верасня па ліпень. Гэта гарантуецца пастановай Саўміна № 202 ад 16 лютага 2011 года.
Наконт ліпеня і жніўня пытанне асобна вырашаюць у рэгіёнах. Напрыклад, у Мінску навучэнцы могуць ездзіць бясплатна круглы год (выпускнікі 9 і 11 класаў - толькі да выдачы атэстатаў). Праўда, як і ў астатні час для гэтага патрэбна даведка з установы адукацыі або электронная карта навучэнца.
У Мінскім раёне дзейнічае агульнае правіла, адзначае «Мінсктранс»: бясплатна толькі з 1 верасня па 30 чэрвеня. Пра гэта ж выданню s13.ru нагадалі гродзенскія транспартнікі: цяпер за праезд без білета дзецям пагражае штраф. Інфармацыю пацвердзілі і ў «Магілёўаблаўтатранс».
Бацькі могуць паўплываць на тое, каб права бясплатнага праезду для дзяцей у іх рэгіёне пашырылі. Для гэтага трэба звярнуцца з хадайніцтвам у мясцовы савет дэпутатаў.
Цяпер чытаюць
Стала вядома, дзе працуе фаварытка Лукашэнкі Уладлена Зайцава7
Каментары