Суд Кастрычніцкага раёну Горадні пакіне справу пра «экстрэмісцкі» нумар «Глосу знад Немна» без разгляду. З усіх магчымасьцяў спыненьня скандалёзнай справы ўлады выбралі найпрасьцейшы: няправільна напісаная іскавая заява.
Як піша ў сваім блогу гарадзенскі журналіст Анджэй Пачобут, гарадзенец Анджэй Пісальнік днямі атрымаў афіцыйную паперу з суду Кастрычніцкага раёну Горадні аб тым, што справа пра «экстрэмісцкі» нумар «Глосу знад Немна» застанецца без разгляду.
З усіх магчымасьцяў спыненьня гэтай скандалёзнай справы — за надта вялікі рэзананс, які пры сёньняшнім раскладзе не патрэбны — улады выбралі найпрасьцейшы. Маўляў, няправільна напісаная іскавая заява.Генерал-маёру і начальніку УКГБ па Гарадзенскай вобласьці Ігару Пятровічу Сяргеенку плюнулі ў твар, кпіць аўтар poczobut.livejournal.com.
Адначасова з «Глосам» мусілі прызнаць экстрэмізмам і масу іншых выданьняў, у тым ліку перадвыбарныя, 2006 году ўлёткі Мілінкевіча, кнігу Севярынца... Аднак гэбоўцаў «асадзілі назад». Нават рашэньне Івейскага раённага суду, што па першым пазове з ГБ прызнаў экстрэмізмам абсалютна звычайны нумар газэты «Свабода», гарадзенскі абласны суд адмяніў і вярнуў на пераразгляд. Лібэралізацыя ідзе!.. І «абаронцы дзяржаўнага ладу», і «судзьдзі» яшчэ раз паказалі, што іхны закон як дышла.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары