У працы плацежных тэрміналаў адбыліся збоі. У некаторых крамах і на запраўках не прымаюць карткі
У Беларусі з'явіліся праблемы ў працы некаторых плацежных тэрміналаў. Чытачы tut.by паведамляюць, што з-за збояў адчуваюць складанасці пры аплаце тавараў і паслуг банкаўскімі карткамі, у тым ліку ў гандлёвых сетках і на аўтазапраўках.
- У Мінску на Усходзе і ва Уруччы не абслугоўваюцца банкаўскія карты ў банкаматах і крамах, - паведамляе адзін з карыстальнікаў. Іншы карыстальнік адзначае, што «жонка не змагла талончыкі на тралейбус купіць у «Белсаюздруку». «У «Замкаддзі» таксама ў краме тэрміналы не працуюць», — паведамляе яшчэ адзін карыстальнік.
Чытачы таксама адзначаюць, што не могуць разлічыцца банкаўскай карткай у некаторых гандлёвых сетках, а таксама на аўтазапраўках. Аб праблемах паведамляюць жыхары Мінска і Гомеля.
- У «Еўраопце» адваліліся плацяжы па картах, - адзначае карыстальнік.
Так, у кол-цэнтры гандлёвай сеткі «Еўраопт» пацвердзілі, што на працягу дня адзначаюцца тэхнічныя збоі ў прыёме аплат банкаўскімі карткамі, праблемы паўсталі не толькі ў Мінску.
У кол-цэнтры банкаўскага працэсінгавага цэнтра патлумачылі, што збоі адбыліся з тэрміналамі фірмы «Тусон».
- Праблемы з тэрміналамі назіраюцца. Калі будуць ліквідаваныя збоі - мы не маем інфармацыі. Збоі адбыліся з тэрміналамі фірмы «Тусон», - растлумачылі ў кол-цэнтры банкаўскага працэсінгавага цэнтра.
Аператыўна звязацца з прадстаўнікамі кампаніі «Тусон» у нядзелю ўвечары не ўдалося. На сайце кампаніі гаворыцца, што сярод яе кліентаў - банкі, рознічныя крамы, крамы-склады, сеткі аптэк, рэстараны, бары, кавярні.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Цяпер чытаюць
Архітэктар назваў тое, што зрабілі ў Нясвіжы, «карным добраўпарадкаваннем»1
Каментары