Ва ўсіх рэгіёнах Беларусі з лютага зарэгістравана 189 выпадкаў адру, паведамляе БелТА. Пераважна гэта завезеныя выпадкі. Сярод пацыентаў таксама аказаліся людзі, якія кантактавалі з хворымі.
Больш за ўсё завозаў звязана са знаходжаннем грамадзян ва Украіне. Зарэгістраваны адзінкавыя выпадкі захворвання ва ўкраінскіх грамадзян, якія прыехалі ў Беларусь.
85% тых, хто захварэў на адзёр, былі непрышчэпленымі (у тым ліку з-за адмовы ад вакцынацыі) ці не цалкам прышчэплены супраць адру.
Тым, хто не ведае пра свае прышчэпкі супраць адру і плануе паездкі за межы краіны, варта ўдакладніць прышчэпачны статус і пры неабходнасці зрабіць прышчэпку.
Калі пасля вяртання з-за мяжы з'явіліся сімптомы інфекцыйнага захворвання (павышэнне тэмпературы цела, сып, болі ў горле, кашаль, кан'юктывіт), варта неадкладна звяртацца да лекара.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію34
Каментары