Кампанія Transdev пачала тэставаць у адным з гарадоў штата Фларыда беспілотны школьны аўтобус. Ён будзе перасоўвацца ў аўтаномным рэжыме на абмежаванай тэрыторыі і перавозіць вучняў паміж домам і школай, паведамляе N+1.
Падчас тэставага перыяду аўтобус будзе рухацца па абмежаванай тэрыторыі і спыняцца толькі ў вызначаных месцах, у тым ліку каля школы. У будучыні кампанія плануе пашырыць зону працы аўтобуса, таксама яго можна будзе выклікаць праз праграму на смартфоне з любога дому.
Падчас тэставання ў салоне, разлічаным на 12 чалавек, будуць знаходзіцца не толькі дзеці, але і інжынер кампаніі, які адказвае за бяспеку паездкі, хоць самі паездкі будуць цалкам аўтаномнымі. Тэхнічна аўтобус здольны разганяцца да 48 кіламетраў у гадзіну, але ў пілотным праекце яго хуткасць абмежаваная 13 кіламетрамі ў гадзіну.
Цяпер чытаюць
У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць19
Каментары