Эканамічная статыстыка за кастрычнік фатальная: проці верасьня адток укладаў склаў 6%, розьнічны таваразварот зьнізіўся на 3,8%, аб'ём прамысловай прадукцыі скараціўся на 2,9%. Валютная выручка зьменшылася проці жніўня на 25%.
Дзяржстат абнародаваў эканамічную статыстыку за кастрычнік. Яна фатальная: проці верасня адток укладаў склаў 6%, рознічны таваразварот знізіўся на 3,8%, аб'ём прамысловай прадукцыі скараціўся на 2,9%. Валютная выручка зменшылася проці жніўня на 25%.
Бывай, спажывецкі бум. Першы раз за доўгія гады за кастрычнік аб'ём рознічнага таваразвароту не вырас. Нават знізіўся — на 3,8%. Гэта значыць, насельніцтва адчула эканамічныя цяжкасці і завязала кашалі.
Кастрычнік стаў таксама першым месяцам падзення аб'ёму прамысловай прадукцыі. Ён скараціўся ў параўнанні з вераснем на 2,9%. Сярод рэгіёнаў больш за усіх зменшыла абароты Гродзенская вобласць — мінус 10%. Віцебская скараціла вытворчасць на 7,3%, Мінская — на 5,9%, а Гомельская вобласць на 2%.
Кастрычнік стаў чорным месяцам для чорнай металургіі Беларусі.Зніжэнне вытворчасці ў гэтай галіне, найбольш адчувальнай да сусветнага фінансавага крызісу, склала 23,7%.
Адбыўся абвал вытворчасці трамвайных вагонаў (на 66,7%), электрапыласосаў — на 51,7%, электраплітаў — на 46,9%, макаронных вырабаў — на 23,1%, матацыклаў — на 19,5%, мінеральных угнаенняў — на 12,3%, алею — на 11,2%, тэлевізараў — на 8,7%, трактароў — на 7,1%. Прыкметна прытармазіла цэментавая прамысловасць — на 2,5%.
Гэтыя галіны шмат у чым завязаныя на замежныя рынкі, дзе назіраецца падзенне попыту.
Непрыемнасць чакае і золатавалютныя запасы:
валютная выручка зніжаецца трэці месяц запар.Са жніўня па кастрычнік ад прададзенай за мяжу прадукцыі паступіла валюты менш амаль на 25%. У верасні падзенне склала 12,9% у дачыненні да жніўня, у кастрычніку — на 16,1% у адносінах да верасня. Гэта самы нізкі паказчык ад студзеня 2008 года.
Тым часам за 10 месяцаў запасы гатовай прадукцыі выраслі на 43,2%.
Больш за ўсё на складах пыліцца гадзіннікаў. Іх запасы ў 29,1 разу перавышаюць сярэднемесячную вытворчасць. Запасаў нашых няякасных ільняных тканінаў больш у 7,1 разу, ваўняных тканінаў у 4,7 разу, садавіна-гароднінных кансерваў — у 3,6 разу (войска наесца ўволю), цукру ў 3,3 разы, пральных машынаў у 2,55 разу, тэлевізараў — на 118,3%.
Рост таварных запасаў пацвярджае пагаршэнне сітуацыі ў замежным і ўнутраным гандлі.
Акрамя таго, аналітыкі агенцтва ПРАЙМ-ТАСС зважаюць на тое, што ўвод у эксплуатацыю жытла ўпаў у кастрычніку ў параўнанні з папярэднім месяцам больш як у пяць разоў — да 168,8 тыс. кв. м.
Беларусь з лагам у месяц-два паўтарае ўсе негатыўныя тэндэнцыі, што маюць месца ў Расіі ды іншых краінах, якія крызіс зачапіў найбольш.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары