Вучань 9 класа адной са школ у Віцебскай вобласці, якога падазраюць у згвалтаванні шасцікласніка, прайшоў абследаванне ў псіхіятраў. Юнак вярнуўся дадому, у вёску недалёка ад аграгарадка, дзе адбыўся інцыдэнт. Аднак школу ён не наведвае, пераведзены на хатняе навучанне.
Чытайце таксама: Жыхары аграгарадка на Віцебшчыне: 9-класнік учыніў дзеянні сэксуальнага характару над шасцікласнікам
Здарэнне адбылося 26 верасня ў прыбіральні сярэдняй школы ў адным з аграгарадкоў.
— Гвалтаўнік — вучань 9-га класа, ён з непаспяховай сям'і, якая жыве ў суседняй вёсцы. Хлопчык заўсёды вызначаўся хуліганскімі паводзінамі, многія дзеці яго баяліся. Ахвяра — 6-класнік. Ён з асаблівасцямі развіцця, ціхае, замкнёнае ў сабе дзіця. Яго сям'я жыве ў іншай вёсцы непадалёк. Шасцікласніка са школы везла хуткая, — распавёў Tut.by жыхар аграгарадка.
Падазраванага затрымалі.
— Яму прызначылі комплексную судовую псіхолага-псіхіятрычную экспертызу. Ён прайшоў абследаванне ў стацыянары, — паведаміла Tut.by афіцыйны прадстаўнік УСК па вобласці Аксана Лазько.
Юнак знаходзіцца пад абавязацельствам аб яўцы. Вучыцца ён не ў школе, а па месцы жыхарства.
— Наколькі я ведаю, дзевяцікласнік праходзіў абследаванне ў бальніцы ў Навінках пад Мінскам. Цяпер ён вярнуўся дадому, у сваю вёску, — распавёў адзін з бацькоў вучняў СШ у аграгарадку.
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай15
Каментары