У Маскве пабудуюць 21-павярховы жыллёвы комплекс для беларускага пасольства ФОТА
Мінскі Будтрэст №4 пабудуе 21-павярховы жылы комплекс для беларускага пасольства ў Маскве. Генпадрадчыкам выступае БУ-13, якое стварыла аквапарк «Лебядзіны» і новы будынак Вярхоўнага суда. У газеце «На стройках Мінска» паказалі, як будзе выглядаць новы беларускі комплекс у Маскве.
Жылы комплекс пасольства Беларусі будуюць на падставе ўказа Аляксандра Лукашэнкі ад 2014 года. Аб'ект узвядуць на Пагонным праездзе, 7. Гэта раён Багародскае ва Усходняй адміністрацыйнай акрузе.
У шматпавярховіку будзе 100 кватэр: 20 аднапакаёвых, 52 двухпакаёвыя і 27 трохпакаёвых. Запраектавана таксама кватэра аташэ з залай пасяджэнняў.
У прыбудове на ўзроўні першага паверха прадугледжаны фізкультурна-аздараўленчы комплекс з трэнажорнай залай, міні-басейнам і саунай. На падземным паверсе - аднаўзроўневая стаянка на 60 машына-месцаў.
Згодна з міжурадавым пагадненнем, зямельны ўчастак пад жылы комплекс беларускага пасольства дадзены Беларусі ў арэнду на 49 гадоў з арэнднай платай у памеры аднаго расійскага рубля ў год.
Узамен на гэта Беларусь дала Расіі ў арэнду на 49 гадоў зямельны ўчастак на Камуністычнай, 86, для будаўніцтва і эксплуатацыі будынка культурна-дзелавога цэнтра. Цяпер там знаходзіцца Дом Масквы. Арэндная плата складае адзін беларускі рубель у год.
Цяпер чытаюць
Лосік расказаў, як Бабарыку катавалі ў наваполацкай калоніі16
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары