Польшча стварае дывізію за $7 мільярдаў. Яе штаб будзе непадалёк ад Беларусі
Дывізія будзе створана да 2026 года.
Новая адзінка ў польскім войску пад назвай «18» будзе кантраляваць «гістарычныя кірункі нападу на Польшчу з усходу», паведамляе Радыё Свабода са спасылкай на Gazeta Wyborcza.
Да 2026 года ў польскім войску будзе створаная новая дывізія. Яна стане «адказам на агрэсіўную палітыку Расеі», заявіў польскі віцэ-міністар абароны. Цана дывізіі на працягу 10 гадоў складзе 7 млрд даляраў.
Да гэтай пары ў Польшчы дзейнічаюць тры дывізіі: у Жагані (паўднёва-заходняя частка краіны), Шчэціне (паўночны захад) і Эльблёнгу (паўночны ўсход). Новая дывізія разьмясьціцца ў горадзе Седльцэ, на ўсходзе Польшчы, за 70 км ад беларускай мяжы. Яна будзе называцца «18», у гонар аднаўленьня польскай незалежнасьці ў 1918 годзе.
Як распавёў віцэ-міністар абароны Войцех Скуркевіч, у мірны час у дывізіі будзе 7780 жаўнераў, зь якіх 750 павінны быць афіцэрамі. Напрыканцы фармаваньня яна павінна складацца з трох брыгадаў. Дзьве зь іх ужо існуюць сёньня. Трэцяй стане брыгада ў Любліне. Яе задачай мае быць кантроль тэрыторыі ад Берасьця да гораду Пшэмысьль, або, як сказаў польскі віцэ-міністар, «гістарычныя напрамкі нападу на Польшчу з усходу».
Паводле польскага генэрала Томаша Пятроўскага, на гэтай тэрыторыі павінны стацыянаваць буйныя вайсковыя адзінкі, паколькі дапамога NATO будзе канцэнтравацца ў паўночна-заходняй Польшчы.
Польская апазыцыя назвала гэтае рашэньне «прапагандысцкім» і прынятым з парушэньнем закону.
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»1
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары