У рэйтынг найлепшых гарадоў свету для аддаленай працы трапілі Львоў і Бішкек
У спіс самых прыдатных месцаў для «лічбавых качэўнікаў» увайшло 10 гарадоў з усяго свету.
Спіс найлепшых гарадоў для тых, хто працуе аддалена і падарожнічае, узначаліў горад Гаосюн ў Тайвані.
Пра гэта паведамляе выданне Lonely Planet.
Адзначаецца, што кошт месячнага пражывання ў Гаосюн складае 956 даляраў на месяц. У гэтую суму ўваходзіць аплата нумару ў недарагім гатэлі ў цэнтры горада і трохразовае харчаванне.
Другі радок заняў украінскі Львоў, месяц жыцця ў якім абыйдзецца ў 539 даляраў. На трэцім месцы апынулася сталіца Непала, горад Катманду, штомесячныя расходы у якім складаюць 651 даляр.
Яшчэ ў топ-10 патрапілі сталіца В'етнама, горад Ханой (859 даляраў), Каломба на Шры-Ланцы, Чыанграй у Тайландзе, Далат у В'етнаме, Бішкек у Кыргызстане і Керэтара ў Мексіцы.
Спіс складалі на аснове такіх крытэрыяў, як хуткасць інтэрнэту, клімат, бяспека, кошт арэнды жылля і дружалюбнасць мясцовых жыхароў.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары