Маці лідэра барысаўскай суполкі Партыі БНФ Сяргея Салаша Людміла Васільеўна атрымала ліст з упраўлення па барацьбе з арганізаванай злачыннасцю райвыканкаму...
Маці лідэра барысаўскай суполкі Партыі БНФ Сяргея Салаша Людміла Васільеўна атрымала ліст з упраўлення па барацьбе з арганізаванай злачыннасцю райвыканкаму, з якога даведалася, што разам з галоўнымі рэдактарам незалежнага тыднёвіка «Борисовские новости» Анатолем Букасам і яшчэ пяццю грамадзянамі падпісала нейкі антыкарупцыйны зварот.
Зварот накіраваны супраць работніка мясцовага дзяржкамітэту Аўраменкі і прадпрымальніка Рыбкіна. Нібыта справа супраць іх ужо заведзеная.
Анатоль Букас з уласнай ініцыятывы ўжо наведаў КДБ, дзе засведчыў, што ягоны подпіс фальшывы.
Сяргей Салаш кажа, што яго маці ніколі не падпісвала падобных дакументаў, а з усіх падпісантаў завочна ведае толькі Анатоля Букаса.
«Перакананы, што гэта правакацыя супраць мяне. Ці то мяне хочуць пасварыць з некім з дзяржкантролю, ці з прадпрымальнікамі. Паводле неафіцыйнай інфармацыі гэтую справу маглі справакаваць людзі з гарадской улады», — кажа С.Салаш.
Гэта ўжо не першая сёлета правакацыя супраць палітыка. Раней накладаўся арышт на кватэру яго бацькоў.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары