Адбылося ўсё а 7-й раніцы 26 лістапада. Турыстычны аўтобус, які ехаў у Мінск са Львова, раптам з’ехаў у кювет на 17 кіламетры трасы Кобрын-Маларыта.
Па словах пасажыраў, аўтобус цудам не перакуліўся. Некалькі чалавек ўдарыліся. Дзвюх дзяўчат нават даставілі ў бальніцу на машыне хуткай, бо было падазрэнне на закрытую чэрапна-мазгавую траўму. На шчасце, дыягназ не пацвердзіўся.
ДАІ пацвердзіла факт здарэння, прычыны высвятляюцца.
Пасажыры кажуць, што, найхутчэй, вінаваты кіроўца, які заснуў за стырном.
Цяпер аўтобус знаходзіцца на тым жа месцы, пасажырам прадаставілі новы аўтобус, яны рухаюцца ў Мінск. Адзін з кіроўцаў застаўся з аўтобусам, другі паехаў у Кобрын разам з даішнікамі.
Каментары