У Вене адкрылася выстава беларускі, прысвечаная хатняму гвалту ФОТЫ
Фатографка Дар’я Бубен і грамадскае аб’яднанне «Радзіслава» сумесна з прадстаўніцамі прытулка для жанчын і дзяцей, што пацярпелі ад хатняга гвалту, адкрылі выставу ў галоўным прадстаўніцтве АБСЕ у межах дзён супрацьстаяння гендарнаму гвалту.
Дар’я Бубен падзяліся з «Нашай Нінай» сваімі ўражаннямі ад выставы:
«Адкрыццё выставы, якая ладзілася сумесна беларускай і канадскай амбасадай, было вельмі эмацыйным. Ды і як можа гэта праблема не выклікаць эмоцыі? Адна з гераінь майго фотапраекту, Вольга Краскоўская, расказала пра ўласны перажыты досвед. Гэта было вельмі хвалююча».
У фотапраекце «Ацалелыя» Дар’я Бубен паказвае партрэты жанчын, якія перажылі хатні гвалт і змаглі пачаць новае жыццё.
На выставе былі прадстаўленыя 16 партрэтаў жанчын, якія не пабаяліся публічнасці і гатовыя праз свой уласны досвед заяўляць, што праблема сямейнага гвалту існуе.
Усяго ў межах фотапраекта Дар’я Бубен зрабіла 32 партрэты жанчын і 17 партрэтаў дзяцей.
Каментары