«Загрузка ўпала, заказаў менш». Работнікаў прадпрыемства ў Рэчыцы сталі адпраўляць у адпачынкі без аплаты
Работнікаў Рэчыцкага метызнага завода пачалі адпраўляць у невялікія адпачынкі без аплаты, даведаўся «Флагшток» ад крыніцы, звязанай з прадпрыемствам.
«Людзей адпраўляюць на два дні на месяц за свой кошт, але прэміі пакуль не зрэзалі. Загрузка ўпала прыкладна на траціну, заказаў стала менш. Ужо ёсць прастоі», — расказаў суразмоўца.
Па яго звестках, сітуацыя са скарачэннем загрузкі ўзнікла ў тым ліку з-за заказчыкаў з Расіі, якія заключылі кантакт, але затым адмовіліся ад выканання абавязкаў.
Прычына ў прыходзе на расійскі рынак канкурэнтаў з Кітая — у Рэчыцкага метызнага завода з-за гэтага сарваўся маштабны заказ:
«Кінулі завод на 6 ці 7 мільёнаў даляраў».
У цэлым, на прадпрыемстве «прасеў збыт», а сярод работнікаў ходзяць чуткі пра тое, што кіраўніцтва плануе пазбавіцца ад неалькіх сотняў супрацоўнікаў. Аднак скарачаць іх не хочуць, каб не выплачваць кампенсацыю:
«Чакаюць, пакуль людзі самі пойдуць — і многія сыходзяць».
Як паведамлялася раней, падобная сітуацыя ўзнікла на Беларускім металургічным заводзе праз падзенне збыту металапракату на расійскім рынку, на які арыентуецца жлобінскае прадпрыемства.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
А сямейка засталася без даходу.
а "кінуць" - гэта зусім не пра зрыў заказу, а пра на..ку!