У Мінск з рабочым візітам прыбыў міністр замежных спраў Ірана Манучэхр Матакі.
Як паведамяе прэс‑служба Міністэрства замежных спраў Беларусі, дыпламат будзе знаходзіцца ў Мінску 11 і 12 снежня. Праграмай візіту прадугледжаны сустрэчы з прэм’ер‑міністрам Сяргеем Сідорскім, старшынёй Палаты прадстаўнікоў Уладзімірам Андрэйчанкам, міністрам замежных спраў Сяргеем Мартынавым, а таксама наведванне зборачнай вытворчасці аўтмабіляў «Саманд» і ЗАТ «ТК Банк», створаных з удзелам іранскага капіталу.
10 снежня старшыня Савета Рэспублікі Барыс Батура на сустрэчы з надзвычайным і паўнамоцным паслом Ірана ў Мінску Сеедам Абдалой Хасейні заявіў, што гэта краіна з’яўляецца «ключавым партнёрам Беларусі на Блізкім Усходзе».
Дыпламат зазначыў, што ў Беларусі і Ірана «выдатныя палітычныя адносіны».«Аднак эканамічныя адносіны, хоць яны таксама нядрэнныя, не адпавядаюць узроўню палітычных сувязей. Неабходна актывізаваць увесь патэнцыял нашага супрацоўніцтва. Парламенты павінны адыгрываць у гэтым істотную ролю», — сказаў пасол.
У студзені—кастрычніку 2008 года тавараабарот паміж Беларуссю і Іранам склаў 83,9 млн. долараў ЗША (134,1% у параўнанні з аналагічным перыядам 2007 года), беларускі экспарт — 76,1 млн. долараў (139,7%), імпарт — 7,8 млн. долараў (96,4 %). Асноўныя артыкулы экспарту — калійныя ўгнаенні, сінтэтычныя валокны, паўфабрыкаты з вугляродзістай сталі, жгут сінтэтычных ніцяў, грузавыя аўтамабілі, трактары; асноўныя артыкулы імпарту — фрукты, легкавыя аўтамабілі і часткі да іх.
Цяпер чытаюць
Галыгіна прымусілі апраўдвацца за зварот да сілавікоў у 2020-м14
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары