Кіраўніца БелТА Ірына Акуловіч расказала пра сваю сям'ю і пра тое, як родныя адрэагавалі на пераезд з Магілёва ў Мінск
Генеральная дырэктарка БелТА Ірына Акуловіч расказала ў інтэрв'ю газеце «7 дней» (якая належыць БелТА) пра сваю сям'ю.
У пачатку года яна пераехала ў Мінск з Магілёва, дзе ўзначальвала абласное тэлебачанне.
«Самае адчувальнае для мяне ў гэтай сітуацыі тое, што 20-гадовы сын застаўся адзін у Магілёве. Ён вучыцца на чацвёртым курсе ва ўніверсітэце, і пераводзіць яго ў сталіцу проста няма сэнсу.
Што да мужа, дык ён — карэнны мінчук, для яго пераезд — проста вяртанне дадому. Дарэчы, муж з дзяцінства захапляецца хакеем і да гэтага часу гуляе ў Начной хакейнай лізе.
А дачка яшчэ маленькая, вучыцца ў другім класе. Ёй добра там, дзе мама. Вядома, яе засмучае, што ў родным горадзе засталіся сябры, але ў яе ўзросце і новых таварышаў завесці не праблема.
Але з Магілёвам у мяне сувязь не страчана — там засталася мая мама, яна ўжо ва ўзросце, таму па магчымасці выходныя я праводжу ў яе, з сынам, сустракаюся з сябрамі», — расказала Ірына Акуловіч.
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала8
Каментары