Шаўляйская акруговая пракуратура пачала дасудовае расследаванне аб паклёпе на Адолфаса Раманаўскаса-Ванагаса, паведаміла ў чацвер газета Lietuvos rytas.
Расследаванне пачата з-за апублікаванай у сацыяльных сетках недакладнай інфармацыі аб забойствах ім мірнага насельніцтва. У паліцыю звярнуўся журналіст выдання Lietuvos rytas, які паведаміў, што ў сацыяльнай сетцы Facebook распаўсюджваецца фота партызана з надпісам «Асабіста забіў больш за 1000 суайчыннікаў, нават немаўлят. А. Раманаўскас забойца, які забіваў літоўцаў».
Праблемы могуць з'явіцца ў соцень карыстальнікаў сеткі, якія падзяліліся гэтым паведамленнем. Яно атрымала каля 260 рэпостаў.
Пасля Другой сусветнай вайны А. Раманаўскас-Ванагас узначальваў партызан Дзукіі, а ў 1949 годзе падпісаў з іншымі партызанскімі камандзірамі Дэкларацыю руху барацьбы за свабоду Літвы.
Узброеная барацьба за аднаўленне незалежнасці Літвы вялася да 1953 года.
А. Раманаўскас-Ванагас быў арыштаваны ў 1956 годзе, саветы яго жорстка катавалі — яму выкалалі вока і адрэзалі тэстыкулы. У наступным годзе яго расстралялі.
Галоўны адміністрацыйны суд Літвы ў лістападзе абвясціў, што Член рады гарадскога самакіравання Клайпеды Вячаслаў Цітоў распаўсюдзіў ілжывыя звесткі, калі абвінаваціў партызанскага камандзіра Адолфаса Раманаўскаса-Ванагаса ў забойствах мірнага насельніцтва. Ён даў ацэнку выказванню В. Цітова аб тым, што А. Раманаўскас-Ванагас нясе адказнасць за гібель 8000 мірных жыхароў.
Каментары