З’явілася спартовае шоу, дзе Глеб, Калюжны і Рутэнка размаўляюць «за жыццё» ВІДЭА
Напярэдадні матчу БАТЭ — «Арсенал» відэасэрвіс VOKA запусціў пілотны выпуск спартыўна-забаўляльнага шоу «Лаўка асноўных».
У ім адзін з самых паспяховых айчынных футбалістаў Аляксандр Глеб разам са сваімі «зорнымі» сябрамі — хакеістам Аляксеем Калюжным і самым дарагім гандбалістам свайго часу Сяргеем Рутэнка — абмяркоўваюць апошнія навіны спорту і дзеляцца закулісным гісторыямі са свайго мінулага.
Размаўляюць спартсмены на розныя тэмы: пра грошы, асабістыя поспехі і правалы, смешныя гісторыі ды рэальныя праблемы беларускага спорту. Якую зарплату прапаноўвалі Глебу ў ЦСКА? Як Руслана Салея таемна абмянялі ў іншую каманду? Як прыгатаваць пельмені ў таршэры? Гэтыя ды іншыя больш ці менш сур’ёзныя тэмы абмяркоўваюць зоркі ў нефармальнай абстаноўцы і без усялякай цэнзуры.
Прынята лічыць, што Аляксандр Глеб, ужо будучы гульцом асновы «Штутгарта», «забіваў мільёны». «Аднойчы на Новы год я больш за суткі ехаў з Германіі ў Беларусь на аўтобусе: так хацеў зэканоміць», — распавядае футбаліст, сума трансферу якога з «Штутгарта» у «Арсенал» пасля склала 15 мільёнаў еўра.
Даведацца гэтыя і іншыя падрабязнасці жыцця спартоўцаў можна на старонцы відэасэрвіса VOKA. Пілотны выпуск даступны бясплатна з любой прылады: тэлевізара, камп’ютара, ноўтбука, планшэта або мабільнага тэлефона ў сетцы любога аператара.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі15
Каментары