Google Maps атрымае функцыю дапоўненай рэальнасці. Але ёй нельга будзе карыстацца занадта доўга
Google анансавала з'яўленне дапоўненай рэальнасці ў Google Maps, а таксама прадэманстравала праграму ў дзеянні, перадае The Wall Street Journal.

Новы функцыянал будзе працаваць наступным чынам: пасля запуску камеры праграма вызначыць месцазнаходжанне карыстальніка і параўнае яго з базай даных Street View. Як толькі сістэма ўдакладніць лакацыі, на экране з'явяцца 3D-стрэлкі, якія паказваюць дарогу ў патрэбным кірунку.
Пры гэтым у кампаніі не хочуць, каб карыстальнікі занадта спадзяваліся на функцыю дапоўненай рэальнасці. Таму, калі пакінуць тэлефон у такім рэжыме надоўга, экран пацямнее. Google ідзе на такую меру дзеля бяспекі людзей, а таксама для эканоміі зарада батарэі смартфона.
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
Каментары