У Мінску стартаваў чэмпіянат Еўропы па біятлоне. Усе прадстаўнікі зборнай Расіі ў адзін голас казалі, што збор у Італіі быў максімальна прадуктыўным для каманды. На справе ж выйшла зусім інакш. На не самым высокім па ўзроўні турніры здарыўся чарговы правал, прытым што расіяне прыехалі ў Мінск асноўным складам.
«Але спартыўныя праблемы адышлі на другі план у параўнанні з той жудасцю, якая адбываецца ў Раўбічах з арганізацыяй»,
— піша журналіст расійскага сайта championat.com Аляксандр Говараў.
Падрабязнасці паведаміў журналісту ў прыватнай перапісцы яго калега і вядомы ў біятлонных колах фатограф Андрэй Іваноў, які знаходзіцца на месцы падзей.
Журналіст адзначае, што на ўваходзе расейцаў прымушалі распранацца.
«І такое было не толькі са мной. Майго знаёмага прадстаўніка адной са зборных ўзмоцнена прымушалі выняць усе рэчы з заплечніка. Проста вопратку, якая нармальна прамацвалася рукамі. Прыбор для выяўлення металу «наглядчык» не выкарыстоўваў. Ён проста валяўся на мокрым стале. Людзей абурала некампетэнтнасць гэтага чалавека»,
— распавядае Іваноў.
Далей фатограф адзначае, што арганізатары нібыта не прадугледзелі паркоўкі для аўтамабіляў. Са слоў Іванова, у Раўбічах адбывалася літаральна наступнае.
«Арганізатары зараўнавалі ўздоўж абочыны пясчаную паласу для стаянкі аўтамабіляў. Прыехаў крыху раней — заняў месца. Спазніўся — прабачце. Сёння +4°С, магчымы дождж, і пясочак ператвараецца ў гразь, у якой аўтамабіль захрасае наглуха. Далей ёсць 100-150 метраў да пераходу, які заканчваецца ледзяной сцяжынкай уніз, досыць стромка. Дождж да вечара, магчыма, змые лёд, але днём трэба быць асцярожным», — піша Іваноў.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае19
Каментары