U Minsku startavaŭ čempijanat Jeŭropy pa bijatłonie. Usie pradstaŭniki zbornaj Rasii ŭ adzin hołas kazali, što zbor u Italii byŭ maksimalna praduktyŭnym dla kamandy. Na spravie ž vyjšła zusim inakš. Na nie samym vysokim pa ŭzroŭni turniry zdaryŭsia čarhovy pravał, prytym što rasijanie pryjechali ŭ Minsk asnoŭnym składam.
«Ale spartyŭnyja prablemy adyšli na druhi płan u paraŭnańni z toj žudaściu, jakaja adbyvajecca ŭ Raŭbičach z arhanizacyjaj»,
— piša žurnalist rasijskaha sajta championat.com Alaksandr Hovaraŭ.
Padrabiaznaści paviedamiŭ žurnalistu ŭ pryvatnaj pierapiscy jaho kaleha i viadomy ŭ bijatłonnych kołach fatohraf Andrej Ivanoŭ, jaki znachodzicca na miescy padziej.
Žurnalist adznačaje, što na ŭvachodzie rasiejcaŭ prymušali raspranacca.
«I takoje było nie tolki sa mnoj. Majho znajomaha pradstaŭnika adnoj sa zbornych ŭzmocniena prymušali vyniać usie rečy z zaplečnika. Prosta vopratku, jakaja narmalna pramacvałasia rukami. Prybor dla vyjaŭleńnia mietału «nahladčyk» nie vykarystoŭvaŭ. Jon prosta valaŭsia na mokrym stale. Ludziej aburała niekampietentnaść hetaha čałavieka»,
— raspaviadaje Ivanoŭ.
Dalej fatohraf adznačaje, što arhanizatary nibyta nie praduhledzieli parkoŭki dla aŭtamabilaŭ. Sa słoŭ Ivanova, u Raŭbičach adbyvałasia litaralna nastupnaje.
«Arhanizatary zaraŭnavali ŭzdoŭž abočyny piasčanuju pałasu dla stajanki aŭtamabilaŭ. Pryjechaŭ krychu raniej — zaniaŭ miesca. Spaźniŭsia — prabačcie. Siońnia +4°S, mahčymy doždž, i piasočak pieratvarajecca ŭ hraź, u jakoj aŭtamabil zachrasaje nahłucha. Dalej jość 100-150 mietraŭ da pierachodu, jaki zakančvajecca ledzianoj ściažynkaj uniz, dosyć stromka. Doždž da viečara, mahčyma, zmyje lod, ale dniom treba być aściarožnym», — piša Ivanoŭ.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary