У Мінскім абласным судзе ў трэці раз сталі разглядаць справу трох фанатаў мінскага «Тарпеда», якіх затрымалі ў жніўні 2017 года пасля бойкі ў Стаўбцоўскім раёне.
Абвінавачаных завуць Уладзімір Лішык (34 гады), Міхаіл Мяцельскі (33) і Яўген Базылёў (31). Лішык нідзе не працаваў на момант затрымання, Базылёў быў банкаўскім работнікам, а Мяцельскі — працаваў токарам на СТА. У апошняга з затрыманых ёсць жонка і дзіця.
Пракурор агучыў версію абвінавачання. «Заўважыўшы «Мэрсэдэс» на трасе, Лішык, які знаходзіўся ў стане алкагольнага ап'янення і пад дзеяннем наркатычных сродкаў, кінуў у аўто шкляную бутэльку і «прымусіў кіроўцу спыніцца». А пасля прыпынку нанёс аднаму з пацярпелых не менш двух удараў фальшфеерам і кінуў запаленую піратэхніку ў салон аўто. Разам з Базылёвым яны трымалі заднія дзверы машыны, не даючы пацярпелым выйсці», — піша партал tut.by.
Мяцельскі ж у сваю чаргу акурат і заўважыў гэты «Мерсэдэс» і «шляхам просьбаў і пераконванняў схіліў да злачынства». У выніку двое мужчын атрымалі апёкі І і ІІ ступені.
Паводле апошняга прысуду Лішык атрымаў 9 гадоў зняволення, Базылёў — 8,5, а Мяцельскі — 5,5. Пасля яны абскардзілі прысуд, што прывяло да пераразгляду справы.
З фанатамі «Тарпеда» салідарызаваліся ультрас Беларусі, а таксама суседніх краін.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў89
Каментары