У Паўночнай Карэі адбываюцца другія пасля прыходу да ўлады Кім Чэн Ына выбары ў Вярхоўны Народны Савет.
Галасаванне на выбарах у парламент з'яўляецца абавязковым і выбаршчыкі не маюць магчымасці выбару кандыдатаў. Любыя альтэрнатыўныя погляды з'яўляюцца чымсьці зусім нечуваным.
Яўка заўсёды блізкая да 100%, а падтрымка курсу ўлады - аднагалосная.
Сапраўдная ўлада ў краіне належыць лідарам з дынастыі Кім.
Грамадзяне павінны дэманстраваць абсалютную адданасць сям'і Кім і дзейнаму лідару.
Як гэта працуе?
У дзень выбараў усе грамадзяне старэйшыя за 17 гадоў павінны выйсці і прагаласаваць.
«Тое, што вы прыйдзеце рана, з'яўляецца прыкметай адданасці, таму на участках звычайна ўтвараюцца доўгія чэргі», - распавядае эксперт па пытаннях Паўночнай Карэі Фёдар Цярціцкі, які жыве ў сталіцы Паўднёвай Карэі Сеуле.
На ўчастку грамадзяне атрымліваюць бюлетэнь з толькі адным імем ў ім. У бюлетэні няма чаго пазначаць, таму выбаршчыкі проста бяруць паперку і кладуць яе ў выбарчую скрыню, якая стаіць навідавоку.
На выбарчых участках ёсць і кабінкі для «прыватнага» галасавання, але карыстанне імі адразу ж выклікае падазрэнне, - тлумачыць аналітык.
Тэарэтычна ў выбаршчыка ёсць яшчэ магчымасць выкрасліць адзінага кандыдата ў бюлетэні. Але гэта, кажа Фёдар Цярціцкі, практычна аўтаматычна будзе азначаць, што табой зацікавяцца службы бяспекі і, магчыма, абвесцяць вар'ятам.
Пасля таго, як выбаршчык выходзіць з выбарчага ўчастку, чакаецца, што ён далучыцца да святочнага натоўпу, каб разам з іншымі выказаць сваю радасць ад магчымасці прыняць удзел у галасаванні за мудрае кіраўніцтва краіны.
«У дзяржаўных СМІ дзень выбараў паказваецца як свята. Каля кожнага выбарчага ўчастку людзі святкуюць», - распавядае Мінёнг Лі, аналітык NK News, інтэрнэт-выдання, якое спецыялізуецца на Паўночнай Карэі.
Паколькі галасаванне з'яўляецца абавязковым, выбары таксама з'яўляюцца інструментам, з дапамогай якога ўлада кантралюе колькасць выбаршчыкаў у кожнай акрузе і колькасць здраднікаў, якія маглі ўцячы ў Кітай.
Якія паўнамоцтвы мае парламент?
Вярхоўны Народны Савет не мае фактычнай улады і прызначаны толькі для таго, каб зацвярджаць рашэнні лідара Паўночнай Карэі.
Парламент абіраецца на пяць гадоў.
Законы піша партыйны апарат, а ўхваленне іх Вярхоўным Народным Саветам з'яўляецца толькі фармальнасцю.
Тэарэтычна, ВНС можа адхіліць лідара Кіма ад улады
Аднак у тэорыі ў Вярхоўнай Народнага Савета такі ёсць ўлада. Дзве траціны галасоў дэпутатаў тэарэтычна могуць змяніць канстытуцыю краіны, а простай большасці дастаткова для таго, каб адхіліць Кім Чэн Ына ад улады.
Дэ-факта ВНС нават не збіраецца рэгулярна. На першым пасяджэнні дэпутаты выбіраюць кіруючыя органы парламента, якія працуюць ад імя астатніх дэпутатаў, а агульны сход парламентарыяў адбываюцца вельмі рэдка.
Існуюць розныя партыі?
Можна меркаваць, што ў Паўночнай Карэі існуе толькі адна партыя. Але дзіўна ў парламенце прадстаўлены цэлых тры фракцыі.
Рабочая партыя, старшынёй якой з'яўляецца Кім Чэн Ын, вядома, прадстаўлена найбуйнейшай фракцыяй у парламенце. Але пэўную колькасць мандатаў захоўваецца за Сацыял-дэмакратычнай партыяй і партыяй Чхундоге-Чхонудан.
На практыцы паміж трыма партыямі няма розніцы, і ўсе яны яднаюцца ў Дэмакратычны фронт за аднаўленне адзінства Карэі.
Што ў выніку?
Прадказаць вынік выбараў даволі нескладана, але часам праходзіць некалькі дзён, перш, чым аб'яўляюцца канчатковыя вынікі.
Спачатку звычайна ідуць паведамленьні аб высокай яўцы. На выбарах ў 2014 яна складала 99.97%.
Зусім нямногія людзі могуць не прагаласаваць з-за хваробы, але, як кажа папулярны жарт, у дзень выбараў ніхто не памірае і ўсе здаровыя.
Далей з'яўляюцца вынікі выбараў у акрузе Кім Чэн Ына - як яўка, так і падтрымка кандыдатаў. Звычайна, абодва паказчыкі складаюць 100%.
Нарэшце, абвяшчаюць вынікі выбараў у астатніх акругаў. Тады як яўка можа трохі адхіляцца ад 100%, падтрымка кандыдатаў звычайна цалкам аднагалосная.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары