Юрыю Грыцкевічу было 40 гадоў. Ён працаваў начальнікам аддзела мытных аперацый і кантролю мытнага паста на пункце пропуску «Катлоўка» на мяжы з Літвой.
Юры знік у суботу, 9 сакавіка. Па словах сваяка, Грыцкевіч раніцай адвёў сына ў школу. Больш мужчыну ніхто не бачыў.
Мёртвага Грыцкевіча знайшлі ва ўласным аўтамабілі ў панядзелак, 11 сакавіка. Машына стаяла ў лесе каля вёскі Міхалішкі. Да выхлапной трубы быў прыкручаны шланг ад пыласоса, які вёў у салон.
Прычыны ўчынку невядомыя. Сваякі кажуць, што праблем у сям’і не было.
Цяпер ходзяць чуткі, што ўчынак мужчыны мог быць звязаны з праблемамі на працы. Нібыта праз пастаянныя праверкі і перапрацоўкі Грыцкевіч хацеў звольніцца, але яго не адпускалі, бо не хапала людзей. Але ж пацверджанняў гэтай версіі пакуль няма. Сваякі Юрыя не могуць ані пацвердзіць, ані абвергнуць гэта.
Жонка мытніка адмовілася ад каментараў.
Цяпер чытаюць
Як у галечы співалася радня Лукашэнкі? Малавядомыя факты2
Каментары