26 сакавіка Аляксандр Лукашэнка наведваў аграхолдынг «Купалаўскае». Ён вырашыў азнаёміцца з умовамі ўтрымання буйной рагатай жывёлы. У выніку свае пасады страцілі губернатар Магілёўскай вобласці, старшыня Шклоўскага райвыканкама і памочнік прэзідэнта па Магілёўскай вобласці. Лукашэнка вельмі эмацыйна выказаўся наконт стану кароў.
— Не, гэтая карова ледзь жывая, ты ж бачыш, як яна рухаецца. Навошта вы мяне сюды прывезлі? Каб я зараз службе бяспекі даручыў надзець вам кайданкі, і Качанавай (кіраўніка Адміністрацыі прэзідэнта — NN.BY) следам туды? Анфімава (старшыню камітэта дзяржкантролю Леаніда Анфімава — NN.BY) як мінімум выганю з працы. Калі чалавек не разумее, што гэта Асвенцім, а вы яго ставіце кіраўніком холдынгу. Я ўвогуле не разумею!
— Ён разбярэцца.
— У чым ён разбярэцца? Ён лічыць, што гэта нармальна!
— У тэхналогіі.
— У чым ён разбярэцца!? Ён лічыць, што гэта нармальна. Вы што, хворыя? Гэта ж Асвенцім! Калі яны хворыя, тут павінна быць чыста і суха. Суха і чыста штогадзіну, штохвіліну. Яны ж гадзяць адна на адну, стаяць адна на адной. Тут павінен стаяць чалавек і ўвесь час чысціць. А вы мяне пераконваеце, што гэта нармальна. Ты паглядзі на гэтую скаціну! Яна ж уся абасраная, на поўсці закарэла ўсё. Значыць, Наталля Іванаўна (Качанава — NN.BY), падрыхтуйце заўтра загады — абодвух у адстаўку, губернатара трэцяга. І па Лаўранкову (памочніку прэзідэнта па Магілёўскай вобласці Генадзю Лаўранкову — NN.BY) прымайце рашэнне.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары