Кандыдат у прэзідэнты Украіны Уладзімір Зяленскі абвясціў, што ідзе на дэбаты з дзеючым прэзідэнтам Пятром Парашэнкам.
«Вы клічаце мяне на дэбаты, марылі, што я ўцяку, адмарожуся, схаваюся. Не. Я — гэта не вы ў 2014 годзе. Я прымаю выклік», — заявіў Зяленскі.
Зяленскі заявіў, што чакае Парашэнку на стадыёне «Алімпійскі», дэбаты павінны прайсці перад народам Украіны.
«Усе каналы маюць права трансляваць ужывую, усе журналісты маюць права прысутнічаць», — сказаў Зяленскі.
Таксама Зяленскі запатрабаваў, каб Парашэнка публічна заявіў, што «дэбаты адбудуцца не з марыянеткай Крамля ці Каламойскага, не з ватнікам ці клоўнам, не з быдлам, а з кандыдатам у прэзідэнты».
Зяленскі даў Парашэнку 24 гадзіны на абдумванне.
Цяпер чытаюць
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве6
Каментары