Дэманстранты спрабавалі штурмаваць будынак латвійскага парламента — паліцыя ўжыла слезацечны газ і гумовыя дручкі.
Латвійская паліцыя затрымала ў Рызе ў ноч на сераду 126 удзельнікаў антыўрадавых выступаў.
Тысяча дэманстрантаў спрабавала штурмаваць будынак латвійскага парламента — паліцыя ўжыла слезацечны газ і гумовыя дручкі.
Беспарадкі ў Рызе пачаліся ўвечары аўторка пасля 20-тысячнага мітынгу, удзельнікі якога запатрабавалі роспуску парламенту. Яны пратэставалі супраць няздольнасці ўраду супрацьдзейнічаць эканамічнаму крызісу ў Латвіі, а таксама супраць прыпынення выплат бюджэтнікам і павышэння падаткаў.
Пасля каля 1000 чалавек рушылі да будынку і пачалі закідваць яго камянямі і пляшкамі.
Сёння раніцай, паведамляюць балтыйскія СМІ, сітуацыя ў сталіцы звычайная, калі не лічыць разбітых шыбаў на некаторых будынках Старога гораду і вялікай колькасці прыбіральшчыкаў, якія ліквідуюць наступствы начных беспарадкаў. Больш за ўсё дасталося будынку Міністэрства эканомікі.
Фота з сайта postimees.ee
Цяпер чытаюць
Келагу паказалі кампраметуючыя відэаматэрыялы на беларускую апазіцыю? Так мяркуе Латушка13
Каментары