Скандал у расійскім шоу-бізнэсе: на «Голас. Дзеці» пераможцай стала дачка Алсу — конкурс назвалі праплочаным
Пасля падвядзення вынікаў расійскага музычнага праекта «Голас. Дзеці», выбухнуў скандал.
Па выніках галасавання гледачоў пераможцай фіналу шостага сезона музычнага праекта «Голас. Дзеці», які прайшоў 26 красавіка, стала Мікела Абрамава з каманды Святланы Лабады.
Дзесяцігадовая Мікела — дачка расійскай спявачкі Алсу і прадпрымальніка Яна Абрамава.
Карыстальнікі сеткі назвалі вынікі конкурсу праплочанымі, а нумары Мікелы — ганебнымі. У фінале заўважылі прыкметы «анамальнага галасавання» на карысць Мікелы Абрамавай.
Тэлегледачы пакінулі каментары пад відэазапісамі, апублікаванымі на YouTube.
«Шкада іншых дзяцей. Іх адкрыта злілі. Перамаглі грошы ў чарговы раз», — напісаў адзін з карыстальнікаў. «Ганьба!!!!! Ніколі яшчэ ў дзіцячым «Голасе» так не рулілі грошы», — пагадзіўся другі.
«Колькі грошай адвалілі бацькі за суперфінал? Ганьба!», — адзначае трэцяя. «Проста хочацца лаяцца матам!!!! Пара чыстых нот, нізы ніякія. Як можна ў таленавітых дзяцей красці перамогу????» — абураецца яшчэ адзін каментатар.
Іншыя крытыкуюць рашэнне Алсу адправіць дачку на конкурс.
«Сёння сям'я Алсу купіла пахаванне праекта «Голас. Дзеці». Ну туды і дарога прадажнаму конкурсу», — канстатуе іншая.
Фінал і суперфінал шостага «Голас. Дзеці» адбыўся 26 красавіка. Абрамава выканала дзве песні. За першы нумар прагаласавалі 61,8% тэлегледачоў, за другі — 56,5%. Пры гэтым за дзве гадзiны відэаролікі з фінальнымі песнямі «пераможцы» сабралі 4,6 тысячы дызлайкаў і толькі 862 лайкі.
Пазней расійскі Першы канал паведаміў, што вынікі пераправераюцца.
Тэлевядучы Максім Галкін прызнаўся ў сябе ў інстаграме, што будзе імкнуцца зрабіць усё, каб яго дзеці не ўдзельнічалі ні ў якіх конкурсах, бо «гэта невыносна балюча, асабліва калі несправядліва». У сваю чаргу, акцёр Станіслаў Садальскі назваў вынікі конкурсу «невясёлай рэальнасцю».
Каментары