Беларускіх вяскоўцаў адпраўлялі ў бясплатны адпачынак у Дамініканскую Рэспубліку. Але ўсё было не так проста
Упраўленне Следчага камітэта па Гомельскай вобласці завяршыла расследаванне крымінальнай справы ў дачыненні да двух членаў арганізаванай групы, якая ажыццяўляла пастаўку какаіну з Дамініканскай Рэспублікі ў Расію.
Украінец, які жыў нейкі час у Дамінікане, арганізаваў канал па пастаўцы наркотыкаў. Ён прапаноўваў ахвотным беларусам — ураджэнцам адной і той жа вёскі — бясплатны адпачынак на курортах, але ўзамен прасіў прывезці віно.
І вось тут самае цікавае: у алкаголі папярэдне раствараўся какаін. Пасля прывозу бутэлек у Расію какаін выпарваўся з вадкасці і прадаваўся.
Аднак праваахоўнікі даведаліся пра злачынную схему. Падазраваных затрымалі ў аэрапортах Германіі, на тэрыторыі Расіі і Беларусі.
Так, 3 мая 2018 года ў пункце мытнага афармлення «Новая Гута» ў Гомельскім раёне супрацоўнікі мытні спынілі аўтамабіль Opel Astra, у якім знаходзіліся два грамадзяніны Беларусі, 1975 і 1989 гадоў нараджэння. Падчас надгляду багажу былі канфіскаваныя дзве бутэлькі з-пад віна з сумніўным змесцівам. Пры гэтым мужчыны паспрабавалі знішчыць сляды сваёй супрацьпраўнай дзейнасці.
Трое членаў арганізаванай групы, затрыманых раней на тэрыторыі Германіі, прыцягнуты да крымінальнай адказнасці згодна з заканадаўствам гэтай краіны. Іншыя члены групы знаходзяцца пад следствам у Расіі.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары