У 2008 годзе ў Мінску быў зарэгістраваны 331 факт угону і 123 факты крадзяжу аўтатранспартных сродкаў. Пра гэта на прэс‑канферэнцыі 20 студзеня паведаміў начальнік ГУУС Мінгарвыканкама Леанід Фармагей. Гэты больш, чым у 2007 годзе.
Як зазначыў Л.Фармагей, рост такіх злачынстваў адбыўся ў выніку замахаў на іх учыненне.
Знойдзена і вернута ўладальнікам 393 аўтамашыны, устаноўлены падазроныя ва ўчыненні 225 угонаў і 52 крадзяжоў аўтатранспарту.
Часцей за ўсё аб’ектамі злачынстваў у горадзе былі аўтамашыны «ВАЗ» (170), «Опель» (34), «Масквіч» (32) і «Фольксваген» (30). У асноўным старых мадэляў. Такое становішча начальнік ГУУС патлумачыў тым, што такія машыны крадуць альбо для таго, каб некуды даехаць, альбо каб разабраць на запчасткі.
У большасці выпадкаў крадзяжы і ўгоны аўтатранспарту учыняліся ноччу з дрэнна асветленых тэрыторый, якія не ахоўваюцца. Толькі дзве машыны ўкрадзены з гаражоў.
У большасці выпадкаў украдзеныя аўтамабілі былі знойдзены на працягу дзяжурных сутак, а 157 машын наогул не з’язджалі з месца здарэння (спробы ўгону).
Цяпер чытаюць
«Чаго з людзей здзекуецеся?!» Лукашэнка загадаў прыбраць маршруткі47
Каментары