Расійскі рубель у абменных пунктах вярнуўся на снежаньскія пазіцыі. Яго зноў купляюць па 70,00 - 79,00 беларускіх.
Паводле вынікаў таргоў замежнымі валютамі 23 студзеня на Беларускай валютна-фондавай біржы (БВФБ) курс даляра ЗША вырас на 10 рублёў і склаў 2.695 рублёў.
Такім чынам за тыдзень курс даляра вырас на 40 рублёў (з 2 655 рублёў да 2 695, штодня прыбаўляючы на таргах па 10 рублёў).
У еўра на гэтым тыдні найбольшыя хістанні.
На панядзелак яго курс быў устаноўлены на ўзроўні 3 507 рублёў 79 капеек, у аўторак дасягнуў максімуму гэтага тыдня – 3526,37, а потым рэзка пайшоў уніз. На сераду яго курс быў устаноўлены ў памеры 3451 рубель 44 капейкі, затым два дні запар ён павышаўся.
На сёння яго курс быў устаноўлены на ўзроўні 3 494 рублёў 53 капейкі. А на суботу, 24 студзеня, Нацбанк устанавіў курс еўра ў 3 460 рублёў 92 капейкі. Такім чынам падзенне за дзень склала 33 рублі 61 капейку.
Наогул найвышэйшы курс еўра ў Беларусі быў ад 2 да 5 студзеня – 3 703 рублі.
***
На заўтра курс расійскага рубля ўстаноўлены на ўзроўні 81 рубель 93 капейкі, за дзень ён прыбавіў 7 капеек.
У пунктах абмены валюты становішча рубля куды горшае.
Ён вярнуўся, прынамсі яго пакупка ў насельніцтва, на снежаньскія пазіцыі.Купляюць яго па 70,00-79,00 беларускіх, прадаюць па 81,30--84,00. Так, 23 снежня яго можна было здаць па 75,00-79,00, а набыць ад 78 беларускіх.
Цяпер чытаюць
Жанчыну-пульманолага з 30-гадовым стажам адправілі ў калонію па трох палітычных артыкулах9
Каментары