Міністр аховы навакольнага асяроддзя распавёў, як будуць дзейнічаць з акумулятарным заводам пад Брэстам
Дзеянні па акумулятарным заводзе ў Брэсце будуць заснаваныя на прыродаахоўным заканадаўстве. Пра гэта сёння, адказваючы на пытанні журналістаў, заявіў міністр прыродных рэсурсаў і аховы навакольнага асяроддзя Андрэй Худык, піша БелТА.
Па рэкамендацыі Мінпрыроды, завод выконвае мерапрыемствы па дасягненні параметраў праектных работ, праінфармаваў Андрэй Худык. «Пасля чаго будзем разглядаць заявы, якія будуць паступаць ад прадпрыемства, — адзначыў ён. — Ёсць ўстаноўлены рэгламент. Мы будзем дзейнічаць у адпаведнасці з ім, з прыродаахоўным заканадаўствам Беларусі».
«Ёсць правы і абавязкі інвестара, законныя правы дзяржорганаў. Мы будзем дзейнічаць у адпаведнасці з імі», - дадаў міністр.
Як паведамлялася, 14 чэрвеня старшыня Брэсцкага аблвыканкама Анатоль Ліс падпісаў распараджэнне аб прыпыненні будаўніцтва акумулятарнага завода, а пратэсту супраць яго будаўніцтва і эксплуатацыі ішлі ў абласным цэнтры з лютага мінулага года.
Цяпер чытаюць
Стала вядома, дзе працуе фаварытка Лукашэнкі Уладлена Зайцава14
Каментары