Пяцідзённая сустрэча ў Альпах збярэ 2500 удзельнікаў. Сёлета яна будзе сціплейшай. Менш будзе шыку, менш наваротаў — сесійныя пакоі не будуць надушваць эксклюзіўнымі парфумамі, адмысловымі для кожнае залі.
Ніколі раней за тыя 38 гадоў, што палітычныя і бізнесовыя лідэры збіраюцца на швейцарскім лыжным курорце Давос, каб заводзіць кантакты і абмяркоўваць актуальныя пытанні, перспектывы сусветнай гаспадаркі не здаваліся такімі ахінутымі змрокам, ніколі раней не выклікала такіх сумневаў здольнасць капіталізму да самарэгуляцыі.Ніхто не можа гарантаваць, што выдзяленне амерыканскім урадам астранамічнай сумы 3 трыльёны даляраў на стымуляванне эканамічнага росту дасць вынік.
Напярэдадні Давосу Міжнародны валютны фонд чарговы раз знізіў свой прагноз эканамічнага росту ў свеце яшчэ на 1—1,5%. Чакаецца, што ВУП Германіі скароціцца на рэкордную за пасляваенны перыяд лічбу — 2%. Столькі сама страціць лакаматыў сусветнай гаспадаркі — амерыканская.
Расія трапіла ў стагнацыю, а Кітай запаволіў рост, што для яго, абцяжаранага ўнутранымі праблемамі, можа быць фатальна.
Пяцідзённая тусоўка ў Альпах збярэ 2500 удзельнікаў. Сёлета яна будзе сціплейшай. Менш будзе шыку, менш наваротаў — сесійныя пакоі не будуць надушваць эксклюзіўнымі парфумамі, адмысловымі для кожнае залі.
Тым не менш, Давос не танны. Гадавая карпаратыўная сяброўская плата, што дае права паслаць дырэктара ў Давос, складае 42 500 швейцарскіх франкаў ($36 768), плюс яшчэ 18 000 франкаў аплаты за ўдзел у форуме. І гэта без уліку кошту гатэлю і абедаў.
Сёлета ўпершыню на форум прыедзе прэм’ер-міністр Кітаю.
Чакаюць у Давосе і Уладзіміра Пуціна.Будуць выступаць таксама Меркель, Браун і Аса.
Каментары