Перамовы па цане на газ для Беларусі ідуць. Акрамя таго, у бакоў ёсць пагадненне, у якім вызначаны алгарытм фармавання цаны на газ. Пра гэта журналістам распавёў пасол Расіі ў Беларусі Дзмітрый Мезенцаў, піша Tut.by.
Сёння Расія ўстанавіла для Беларусі самую ільготную цану на газ у параўнанні з астатнімі партнёрамі — 127 даляраў за кубаметр. Перамовы па цане на 2020 год цяпер ідуць.
— Перамовы ідуць, ёсць пагадненне, якое дзейнічае цяпер, дзейнічала летась і дзейнічаць будзе ў наступным годзе. Як дадатак да гэтага пагаднення вызначаны алгарытм фармавання цаны на газ. Формула складаная, я хацеў бы, каб яе каментавалі прадстаўнікі Мінэнерга нашых краін. Але тыя перамовы, якія будуць весціся да канца гэтага года, мяркую, дадуць, самы аптымальны і камфортны варыянт у, падкрэслю, рамках заключанага пагаднення. Цана — наступства ўжо заключанага пагаднення, а не новых перамоў, гэта важны момант, — падкрэсліў Мезенцаў.
Пасол падкрэсліў, што перамовы носяць чыста тэхнічны характар і «аптымальнае рашэнне» будзе знойдзена да 31 снежня.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары